[A:408]mi zad pa'i bdud rtsi'i gter chen po khyod lta bu ni bdag sogs rnams kyi dbang po'i dngas ma dang / spyi bo'i gtsug rgyan du thob pa lags na mkhan chen mchog gi dgongs rdzogs sgrub pa'i 'os su gyur pa gang rung zhig ched du mngags ste/ rje rang nyid khams phyogs 'dir yun ring du bzhugs par zhu ba'i gsol ba lan grangs mang du btab kyang / ji skad du/ dam pa mang po khas 'che mi byed cing / gal te dka' ba'i gnas ni khas blangs na/ /rdo la ri mo bris pa ji bzhin du/ /shi yang gzhan du 'dor bar mi byed do/ /zhes pa ltar/ dang po ji ltar dam bcas pa'i mtshams las nam yang mi 'da' ba dam pa rnams kyi chos nyid yin pa ltar zhal gyis ma bzhes par bod du 'byon par thag bcad/ slar yang lhun grub steng gi gtsug lag khang du chos grwa der bzhugs pa'i dge 'dun gang yod kyis tshe chog dang / bla ma mchod pa nyin gsum mdzad pa'i nyin re bzhin bsnyen bkur dang gral 'gyed shin tu zab pa'i steng / gtsug lag khang der bzang gos 'phan sogs sbyor 'jags stsal ba dang / lhun grub steng gi phan gling bla brang rang du'ang sa skyong mchog gi dbu'i mchod gnas rim byon gyi nyer mkho'i thebs su/ khu bo mkhan chen de nyid kyi 'bral spangs sa chen kun blo'i snang brnyan sman 'dam las grub pa dang / gser zangs las grub pa'i sku 'dra che chung thams cad bsdoms pas bzhi bcu zhe drug dang / 'khar rag sogs las grub pa'i sku 'dra che chung bsdoms pas sum cu so dgu dang / zhal thang skor la/ lam 'bras bla ma brgyud pa'i gser thang gras 'grig spus legs drug /kye rdo rje gdan gsum tshang ba'i bris thang gcig bcas dang / mchod cha'i rigs la sil snyan bzang 'bring gnyis/ rol mo bzang 'bring bzhi/ 'kha' rnga gcig /dung chen cha