[A:407]byas pa'i 'bul ba dang / bla ma chung ba rnams su rgya dngul srang nyer lnga re'i gtso byas pa'i 'bul ba dang / dgon khag rnams su bsnyen bkur gya nom par mdzad de/ 'di dag zhib par gong du mkhan chen rdo rje 'chang chen po de nyid kyi rnam thar du gsal ba ltar ro/ /'dra sku dang gdung rten bzhengs mi dgos zhes gsungs na'ang / dad pa'i rten du rin chen gnyis pa thur srang dgu bcu las grub pa'i mchod rten bkra shis sgo mang dang / gser zangs las grub pa'i 'dra sku khru gang lhag tsam dang / zhal chems su yod pa'i yi dam gyi lha bcu gnyis kyi sku brnyan gser zangs las grub pa khru gang cung med tsam re bzhengs par mdzad do/ /de'i tshe slob ma'i tshogs thams cad kyang chos kyi rje de zhi bar gshegs par gyur na'ang / de'i sku yi bkod pa gnyis pa lta bu'i bdag cag gi dpal ldan bla ma dam pa 'di bzhugs so snyam pas mya ngan dang yid mi bde ba ci'ang med cing / zhabs 'bring pa rnams kyis kyang rje 'di'i sku'i mdzad tshul legs pa dang kun spyod btsun pa rnams mthong ba'i tshe mkhan chen rdo rje 'chang chen po de 'di rang yin snyam pa kho na byung zhes gleng bar byed do/ /slar yang mkhan chen rdo rje 'chang chen po de nyid kyi dgongs pa rdzogs pa'i phyir dbus gtsang dag pa'i zhing du bsnyen bkur rgya cher bstab pa'i slad du 'byon par brtsams te/ de skor gyi nyer bsdogs rnams kyang ji ltar 'os pa bsgrigs pa'i tshe sde dge chos rgyal mchog gi gtsos mchog dman rnams kyis mgrin gcig tu/ chos kyi rgyal po chen po mkhan chen smra ba'i nyi ma de nyid ni bdag cag rnams kyi bsod nams kyir bar ma tshud par nges par skal ba dman pa'i nub ri'i phag tu gshegs par gyur na'ang / srid pa gsum gyi sdug bsngal gyi me chen rab tu zhi bar byed pa'i