[A:419]te zab pa dang rgya che ba'i chos kyi bdud rtsi'ang ci rigs par stsal ba'i sgo nas 'gro ba rnams rnam par grol ba'i lam la bkod pa dang / lo re gnyis tsam ma gtogs phal che bar cho 'phrul zla ba'i tshes nyi shu'i nyin/ e wa~M pa'i gtsug lag khang du dge 'dun 'dus pa rgya mtshor mang ja dang gral 'gyed la sogs pa'i bsnyen bkur phun sum tshogs pa'i sgo nas bla ma mchod pa gsung ba sogs mdor na rnam dkar gyi phrin las kho nas dus 'da' bar mdzad do/ /skye 'jig spros pa kun bcad pa'i/ /rgyal rnams 'gro ba sgrol ba'i slad/ /sna tshogs spro dang bsdu ba yi/ /rnam 'phrul sgyu ma'i rol rtsed bzhin/ /de slad nam mkha'i mtshan can gyi/ /mtshan dpe'i ri bong 'dzin pa yang / /'gro 'di skal ba dman pa yis/ /bsnyun tshul sprin gyis bsgribs par gyur/ /khyad par rtag par 'dzin pa'i blos/ 'dir snang la chags yid can kun/ /sgrol phyir gzugs sku'i bkod pa yang / /dbyings su bstim la chas pa na/ /dus gsum gzigs pa'i ye shes kyi/ /ston ka'i zla shel dag pa las/ /'byung 'gyur ston pa'i bdud rtsi'i zer/ /'gro 'di'i blo mun sel phyir spros/ /srid na rnyed par dka' ba'i nor/ /dam tshig rdzas rnams rab stsal te/ /chos kyi rgyal por dbang bskur ba/ /thub pas ma pham mgon por bzhin/ /de nas bstan dang 'gro ba'i mig /nyin mo'i dpal de nub gyur kyang / /bdud rtsi'i 'byung gnas 'di'i bzhugs pas/ /thar 'dod yid kyi gdung ba bsal/ /bla gos dmar po'i 'od rdul gyis/ /thun mtshams chu 'dzin pham bgyid pa/ /khams phyogs ngur smrig 'dzin pa kun/ /rnyed dang bkur stis mnyes par byas/ /khyad par lhag pa'i lha mang po/ /sgrub cing mchod pa'i chu rgyun gyis/ /bsod nams myu gu skyed