[A:420]bsrings shing / /thugs kyi rgyal mtsho yongs su bkang / /slar yang sgyu ma'i nor rdzas kun/ /bsod nams phung por bsgyur ba'i slad/ /dbus gtsang ljongs su zhabs bkod de/ /mchod dang bsnyen bkur ci yang bstabs/ /byin rlabs zil dngar rab g.yo ba'i/ /gangs can ljongs kyi gnas chen rnams/ /gang gi dad dang gus pa yi/ /'dren byed snyim pas legs par bzung / /mang du thos kyang thos pa btsal/ /grub par gyur kyang sgrub la brtson/ /rang nyid srid zhi'i rtser 'phags kyang / /bstan la gus pa'i sri zhu mdzad// //spyi don gsum pa bstan pa'i bdag po chen por mnga' gsol nas bstan pa dang sems can gyi don ji ltar mdzad pa'i tshul la gsum ste/ thog mar kun mkhyen e wa~M pa chen po'i chos kyi rgyal srid chen por mnga' gsol nas bstan 'gro'i don ji ltar mdzad pa'i tshul/ de nas mi bdag sa'i tshangs pa chen pos spyan drangs te mdo khams su bstan 'gro'i don ji ltar mdzad pa'i tshul/ slar yang dbus gtsang dag pa'i zhing du bsnyen bkur rgya cher bstabs te rang gnas gdan sa chen por zhabs bkod de bstan 'gro'i don ji ltar mdzad pa'i tshul lo/ /de'i dang po ni/ snyigs dus kyi thams cad mkhyen pa 'jam pa'i dbyangs mkhyen brtse'i dbang po'i zhal snga nas mdzad pa'i rnam thar gsol 'debs las/ khyab bdag bla ma'i lung gis dbugs dbyung bzhin/ /rgyal ba gnyis pa'i chos kyi rgyal thabs la/ /bgrang bya bdun gyi bar du dbang bsgyur nas/ /rnam dag lam srol bstan la gsol ba 'debs/ /zhes bka' stsal pa ltar te/ de'ang spyir dam pa 'di nyid ni nang du lung dang rtogs pa'i yon tan bsam gyis mi khyab pa la dbang 'byor yang / phyi rol gyi rnam par g.yeng ba'i spros