[A:428]gtso bor gyur pa rnams kyis da ni rang re rnams yul 'dir mi chags pas 'gro bar 'os so zhes smras te/ mi 'dod bzhin du pha rol gyi grwa mang thams cad khrid de song ba na/ de'i rjes su mda' dpon lcang lo can pa 'khor bcas kyang byon te/ pa rnam du 'phrad pa na pha rol po de dag nang 'khrugs kyi rnam pas grwa mang rnams kyis gtso bo rnams 'di dang 'di yin no zhes dngos su smos pa la brten nas/ mda' dpon pas kyang gtso bo de rnams tshar bcad cing / de 'phros kyi grwa mang rnams kyang tshur 'ongs te sgrig lam mtha' dag tshul bzhin du bsrung bar khas blangs par gyur to/ /'di lta bu ni chos skyong ba'i srung ma rnams kyis phrin las bsgrubs pa yin par gor ma chag go /mdor na de sngon du dgon pa'i sgrig lam phal cher zhig ste mgo med 'jug med lta bur song yang / deng skabs sgrig lam skyon med lta bu yod pa 'di ni rje 'di dang / de'i phrin las pa gcung mdzod pa nor ldan shes rab bzang po bcas kyi bka' drin las byung ba yin no/ /gzhan yang dgon pa'i gtong sgo dang / dus dang khyad par gyi mchod pa rnams kyang sngar las gong 'phel du mdzad pa dang / sa mchod chen mo'i skabs khyer rgyu'i gos chen gyi yo byad rnying song phal cher kyang gsar du bzos pa dang / gong du mkhan chen rdo rje 'chang byams pa kun dga' bstan 'dzin gyi rnam thar du gsal ba ltar gyi rje 'di sku mched rnams nas gtsug lag gi tshogs 'bol yongs su rdzogs pa gsar bzos dang / de'i steng gi grum rtse'i gral gdan rnams gsar sbyor mdzad pa bcas la'ang rin chen gnyis pa rdo tshad mang du song ba dang / rab byung bsnyen rdzogs stsal ba'i skabs kyi mkhan slob las grwa dang bcas pa'i snam sbyar rnams kyang gsar bzos mdzad pa sogs mdor na lha khang steng shod thams