[A:435]srid ma yin/ /zla ba'i zer gyis mi 'phrog cing / /nyi ma'i 'od kyis mi bzlog pa'i/ /'gro 'di'i ma rig mun pa kun/ /khyod kyi thugs rjes bsal bar byas/ /khyad par legs gsungs 'dul ba'i khrims/ /sa bzhin bstan pa'i gzhi ma ste/ /de slad nyes par spyod pa'i chu/ /sdom pa'i chu lon gyis bzlog tshe/ /bdud kyis bslad pa'i skye bo 'ga'/ /bsod nams zad pa'i sta gon du/ /bstan la sdang ba'i bsam sbyor gyis/ /log pa'i lam du bkri bar brtsams/ /ji ltar ngan pa'i lam zhugs pa'i/ /bu la ma ni brtse ba ltar/ /de dag ngan 'gror lhung dogs pas/ /mgon khyod thugs rje lhag par 'phel/ /'on te bstan srung che rnams kyis/ /las ni 'di nyid yin pa'i phyir/ /me la lceb pa'i 'bu bzhin tu/ /phas rgol nus pa nyams par byas/ /'dam skyes 'dam gyis ma gos bzhin/ /'khor bar gnas kyang srid pa yi/ /skyon gyis gzhar yang mi gos pa'i/ /thar pa'i rgyal mtshan bstan par btsugs/ /ngo mtshar byin rlabs 'bum g.yo ba'i/ /sngon byon mkhas pa'i phyag bzhes rgyun/ /deng dus pad rtsa ltar phra ba/ /khyod kyis yar ngo'i zla bzhin spel/ /mdor na chos dang srid gnyis ka'i/ /'byor pa bla na med pa yis/ /bstan dang 'gro ba'i bde skyid ni/ /nyi mas padmo bzhin du byas// //gnyis pa mi bdag sa'i tshangs pa chen pos spyan drangs te mdo khams su bstan 'gro'i don ji ltar mdzad pa'i tshul ni/ kun gzigs 'jam pa'i dbyangs mkhyen brtse'i dbang po'i zhal snga nas mdzad pa'i rnam thar gsol 'debs las/ slar yang sde bzhi dge bcu'i nor 'dzin ljongs/ /gang zhabs bsod nams mgron du thob pa'i mod/ /bsdu ba'i dngos po rnam