[A:436]bzhis bstan dang 'gror/ /phan bde'i dga' ston spel la gsol ba 'debs/ /chos brgyad snang ba rmi lam ltar gzigs pas/ /dgos med tshe 'di'i bya ba ring btang nas/ /rtag tu chos bzhin spyod pa lhur mdzad phyir/ /kun gyis dam par bsngags la gsol ba 'debs/ /zhes bka' stsal pa ltar te/ de'ang dgung grangs nga bzhi pa chu stag lo'i mgor/ skabs shig mnal lam du mkhan chen rdo rje 'chang nam mkha' mtshan can de nyid 'khor zhabs 'bring ba gcig dang bcas byon te/ gsung 'phros 'ga' zhig mdzad par gzhan rnams cher ma gsan/ da ni 'gro ba'i dus la bab po gsungs pa de gsal bar gsan pa zhig byung la/ gnas tshul de bzhin rje 'dis zhabs 'bring ba dag la bka' stsal pa na/ thams cad kyis sku tshe la bar chad yod pa min nam zhes gleng ba byung zhing / gang ltar yang khu bo mkhan chen rdo rje 'chang chen po de nyid kyis sngar dngos dang nyams kyi snang bar ji ltar lung bstan pa bzhin du lo'i mjug tu sde dge bla chen byams pa kun dga' sangs rgyas bstan pa'i rgyal mtshan zhi bar gshegs pa'i dgongs rdzogs sgrub pa dang / rje 'di gdan 'dren zhu bar sde dge'i sku tshab bye tham glo pa shes rab bzang po dang / yon tan phun tshogs dang / bkra shis rgya mtsho sogs dpon 'khor rnams 'byon par/ khong rnams nas kyang sde dge chos rgyal chen po dam tshig rdo rje tshe ring rnam rgyal pa'i zhu yig 'bul ba dang 'brel bar/ mdo khams kyi bstan 'gro'i mgon du chibs kyi kha lo ma bsgyur thabs med yin tshul gyis gsol ba phur tshugs su btab pa la brten/ mi 'byon thabs med lta bus rim gyis zhal gyis bzhes te don gnyer 'ga' la chos kyi bdud