[A:627]ston pa'i me long / nya yag gsang sngags theg chen gling gi 'dus sde'i bslab bya'i bca' yig mun sel nyi ma/ gzhi gsum cho ga 'dzugs pa'i tshe lhag bsam gang dran yi ger bkod pa phan bde'i nyi ma 'dren pa'i shing rta/ sku rten bzhengs skabs kyi 'dod gsol bla ma yi dam ma/ chos rgyal sde dge'i zhabs rim skabs kyi 'dod gsol phan dang bde ba ma/ 'dod pa'i don la gsol ba 'debs pa bsam don kun 'grub/ 'jam dbyangs mkhyen brtse'i dbang po'i gsung rgyun 'chi med bdud rtsi'i zil mngar/ ri zur rin chen blo bzang mkhyen rab kyi dris lan nor bu ke ta ka'i phreng ba/ mdo khams a ta rong gi gzhi bdag ser sbram ma'i bsang mchod/ tshe ring rnam drug las brtsams pa'i gtam rab snyan khu byug dga' ma'i glu dbyangs/ gzims chung rnam rol byang chub yang rtse'i sgo yig sha lo ka gcig sum bid/ dam mtshal bzo thabs/ pra rtsi bzo tshul ngo mtshar 'phrul gyi lde'u mig /bsam yas nyams gsos skabs ngor bla khag spyi nas zhal 'debs phul ba'i zhu yig /yul mchog dman bar gsum la phrin du bskur ba'i yi ge mkhas dbang khyab 'jug dgyes pa'i zhal bsil la sogs mdor na 'jig rten gsum na rnyed par dka' ba'i gsung rab rin po che byin rlabs kyi gzi brgya 'bar ba dpag tu med pa zhig bzhugs te/ don du gnyer ba dag gis mkhan chen rdo rje 'chang ngag dbang bsod nams rgyal mtshan gyis mdzad pa'i rje dam pa'i gsung rab kyi dkar chag rin chen gser gyi lde'u mig las zhib tu rtogs par bya'o/ /de ltar 'chad rtsod rtsom gsum gyi sgo nas bstan pa spel bar ma zad/ sgrub pa'i sgo nas kyang bstan pa rin po che nyin mo ltar gsal bar mdzad pa yin te/ de'ang thos bsam gyis sgro