[A:633]gnyis 'ongs te gzims chung gi rgya mthongs khar gus pa'i tshul gyis nyan pa dang / slar bka' chos grol dus 'phur 'gro ba de lta bu nyin re bzhin rjes gnang ma rdzogs kyi bar byung ba ni/ sngon dge bshes ldong ston pa bya bas bka' chos gnang skabs ma gcig zha ma phug ron du sprul nas chos gsan pa'i rnam thar dang tshul mtshungs pas skyes bu dam pa'i rnam 'phrul lam/ lha la sogs pa'i sprul pa lta bu shin tu ngo mtshar ba zhig ni yin par snang mod/ bdag lta bu ma rig pa'i dri mas bsgribs pa'i so skye rmongs pa zhig gis 'di'o zhes kha tshon gcod pa ji ltar nus/ yang skabs shig mnal lam du 'phags pa'i gnas brtan bcu drug shin tu gzhon sha chags shing gzi brjid dang ldan pa re re'ang 'ja' 'od kyi gur khang kha dog sna tshogs pa'i dkyil na bzhugs pa mngon sum du gzigs pa sogs ngo mtshar ba'i rnam thar shin tu mang ba dang / me 'brug lor phan khang zhabs drung rin po che dpal ldan blo gros rgyal mtshan khams phyogs su pheb skabs/ rje 'di nyid kyis da dung lo cha shas tsam grwa sa 'dir bzhugs rgyu mdzad na legs mod/ 'on kyang lo lnga drug tshun yar pheb thub pa cis kyang mdzod/ de las yun ring na mi legs so gsungs pa ltar/ rjes sor dus thog tu pheb ma grub pa'i dbang gis nyag rong gi zings dang thug nas cung zad 'o brgyal byung ba dang / pheb khar sku mdun du mjal skabs kyang sa skya'i gser pod kyi dbu na bzhugs pa'i sgrol dkar dang dbyangs can ma dkar mo gnyis kyi rjes gnang stsal te/ de 'phros khams nas yar pheb dus 'bul rgyu yin gsungs pa bzhin/ phyis su zhal mjal gsung thos kyi skal bzang bla na med pa thob pa bcas/ ye shes kyi spyan gyis ma 'ongs pa mngon sum gzigs pa'i gsung du nges shes thun