[A:635]kyis brjod par ma nus la/ 'di dag kyang bdag cag la sogs pa gdul bya thun mong ba rnams kyi snang ngor ji ltar mngon pa rnams mdor bsdus tsam brjod par zad kyi/ gzhan du na mgon po 'di nyid zag med 'jig rten las 'das pa'i ye shes rin thang med pa'i rin po che'i snod kha phyes pa lta bu la dbang 'byor pas/ ji skad du/ slob dpon zla grags kyis/ dag pa 'di na bzhed pa 'jug pa yis/ /rdul gcig yul la mkhas gtugs 'jig rten dang / /'jig rten mtha' yas phyogs khyab rdul ston mod/ /rdul rags mi 'gyur 'jig rten phra mi 'gyur/ /zhes bya ba la sogs pa mang du gsungs pa ltar/ thun mong ma yin pa'i rdzu 'phrul dang mngon par shes pa'i mthus sa chen po la bzhugs pa'i byang chub sems dpa' chen po rnams kyang zil gyis gnon par mdzad na/ so so'i skye bo gang zag rnams dang thun mong du gyur pa'i mngon par shes pa lnga dang ldan pa tsam ni smos kyang ci zhig dgos/ des na sangs rgyas dngos 'jig rten du byon pa la the tshom gyi dri ma spangs te yid ches pa'i dad pa drag pos gsol ba rtse gcig tu 'debs nus na 'di dang phyi ma'i don thams cad 'bad med du 'grub par gdon mi za'o/ /zab rgyas chos kyi char pas 'jig rten na/ /thub bstan 'bras bu'i snye ma g.yur za zhing / /'gro la phan bde'i 'dod rgu rdzogs pa'i dpyid/ /gang gi grags pa bzhin du srid mthar khyab/ /mi bzad rig pa rnon po'i zhugs kyis ni/ /smra ba'i seng ge kun gyi snying bsregs shing / /rnam dag lung gi thog dmar cher 'babs pas/ /lta ngan brag ri'i phreng ba phye mar bsnyil/ /sgra don nyams kyi 'gyur ba stong ldan pa'i/ /legs bshad phreng ba gsar