[A:646]gzhi phul ba ltar dang / lhag par phran da lo sang phod kyi mi la re chen po ma mdzad/ khyed rang nas de snga'ang bstan pa la phan thogs legs par mdzad yod tshod 'dug pa dang / da dung yang bstan pa'i don du ci 'gyur gyi thugs rtsol rgya chen po mdzad dgos tshul gyi bka' lung zab rgyas pheb byung zhes mkhan chen rdo rje 'chang ngag dbang bsod nams rgyal mtshan gyis rjes sor bdag la bka' stsal ba dang / zla ba bdun pa nang dpon slob las thog pa blo gter dbang po sku mdun bcar dus kyang gsang sngags rdo rje theg pa ni rgyal ba shAkya'i tog gi bstan pa 'di las gzhan du 'byung bar dkon pa dang / bstan pa 'di'i'ang snying po gsang sngags rdo rje theg par thug pa dang / lam la zhugs pa thams cad byang chub kyi ched du yin na de nyid dka' ba med par dus thung ngus mngon du byed nus pa dang / byang chub sems dpa' sems can gyi don spyod pa rnams gzhan sdug bsngal las skad cig tsam gyis snga bar bsgral 'dod kyi blo can rnams thabs 'dis re ba bde blag tu skong ba sogs rdo rje theg pa sangs rgyas las kyang dkon la rin thang che ba yin pa'i phyir dang / de dag kyang rtsa ba rgyud sde rin po che rnams la thug cing / de'ang rdo rje 'chang nas da lta bar bka' yod la slad ma zhugs par byon pas rnam par dag pa rnams nged kyis phyogs gcig tu bsgrig pa'i dkar chag tsam 'god kyin yod pas/ dbang chog med pa'i 'jigs byed zhe dgu ma lta bu khyod nas sgrig thon na dang / khu na sprul sku dang 'jigs med dpal ldan la'ang gzhan rnams rim pas sgrig bcol dgos pa'i bka' bkod gnang bzhed yod ces ma 'ongs lung ston zhal chems kyi tshul du pheb skad dang / der yang ma zad rje nyid kyis rgyun