[A:647]du gsol ba'i rigs lnga'i dbu rgyan ngo mtshar ba zhig yod pa de dang / phyag mtshan rdo rjai dril bu bcas zhabs drung rin po che ngag gi dbang phyug 'jam dbyangs rin chen rdo rje nyid la de skabs shig gnang byung ba dang / bdag la sngon nas gnang ba'i dbu rgyan sogs gang dgos cha tshang yod pas 'di 'dra rje rin po che nyid nas gsol dgos stabs gtan nas zhu mi dgos so zhes yang yang zhus kyang nged la dbu rgyan sogs gzhan 'dra'ang yod pas 'di rnams khyed rang nas nyar 'tshag mdzod cig gsungs nas nan tan du stsal bar mdzad byung zhes bka' stsal ba 'di'ang bdag cag slob ma rnams yid sdug bsngal gyis non par gyur na mi rung ngo snyam du dgongs te dngos su zhal gsal ma mdzad kyang dgongs pa yongs su mya ngan las 'das pa la mngon du phyogs par bzhed nas don gyis na rgyal ba'i rgyal tshab bstan pa'i bdag po chen por mnga' gsol bar mdzad par gdon mi za ste/ gang gi tshe byang chub sems dpa' chen po dam pa tog dkar po dga' ldan gyi lha'i ris nas 'dzam gling ser skya'i grong khyer chen por bskyod par brtsams pa na nyid kyi cod pan rgyal ba ma pham pa'i dbur bcings te chos kyi rgyal tshab chen por mnga' gsol ba dang / yang bdag cag gi ston pa grong khyer rtswa can du tha ma'i gzims mal du gshegs par nye ba na gnas brtan 'od srung chen po la khyod ni 'dod pa chung zhing chog shes pa yin gyi/ stan 'di la 'dug cig ces nyid kyi bzhugs gdan gyi phyed bstabs pa sogs kyi sgo nas don gyi bstan pa gtad par mdzad do zhes 'byung ba dang chos mthun pa'i phyir ro/ /gang ltar yang snga ma sa ga'i sgrub mchod chen po'i skabs rdul tshon gyi dkyil