[A:660]kyi thugs bzhed kyi snying po bstan pa rin po che sgo thams cad nas dar zhing / phyogs bcu'i 'jig rten gyi khams su 'gro 'dul gyi phrin las rlabs po che rgyun mi 'chad pa 'byung ba sogs thugs kyi bzhed pa mtha' dag yongs su rdzogs pa'i ched du dmigs te rdo rje'i chos srung rnams la thugs dam bskang ba dang / phrin las bcol ba la sogs pa'ang lan mang du mdzad pa yin la/ khyad par sa la spyod pa'i 'og min gnyis pa dpal e wa~M chos ldan gyi gtsug lag khang chen por 'dus pa rgya mtsho'i tshogs kyis bdag bskyed bsnyen pa rgyas pa dang 'brel ba'i dpal kun tu rig pa chen po'i ras bris kyi dkyil 'khor la brten pa'i cho ga nyin grangs bdun dang / bla ma mchod pa'i cho ga nyin gnyis su tshogs par mdzad pa'i tshe'ang thog ma'i nyin bdun la dngul zho pa phyed brgyad spel ma dang / nyin gnyis la grwa pa nyi shu rer ljon 'dab brgyad pa bag re phul ba sogs bsnyen bkur zhabs tog phun sum tshogs pa bsgrubs shing / dge ba'i rtsa ba de dag kyang byang chub snying por yongs su bsngo ba'i rgyas 'debs pa'i ched du dmigs te mkhan rin po che khri thog pa tshogs kyi dbur lan gnyis su gdan zhus mdzad par 'bul ba zab rgyas dang / dpon slob las thog par yang snga phyir tshogs bsngo zhu rten lan gsum tsam phul bar mdzad pa yin no/ /de lta bu'i dgung zhag yongs su rdzogs pa ma grol gyi bar dus thams cad du nam mkha'i phyogs 'ba' zhig la sprin dmar po glegs bam gyi dbyibs lta bu dang / phal che bar ni mchod pa'i bye brag sna tshogs pa dang / bkra shis pa'i rtags kyi gzugs brnyan can gyi 'ja' sprin kha dog bsam gyis mi khyab pa rgyun mi chad par shar bas rta nag dang / gzhis rtse la sogs pa