[A:552]brtsams te bsrung bya rtsa ba dang yan lag gi dam tshig nyi shu rtsa gnyis gtso bor gyur pa'i dbang bzhi po re re la'ang mnyam gzhag /rjes thob/ bza' ba/ bsrung ba/ mi 'bral ba'i dam tshig ste lnga lnga yod pa rnams phra mo tsam yang nyams pa'i go skabs med par tshul bzhin du srung ba dang / der ma zad gsang ba 'dus pa dang / 'khor lo bde mchog dang / dus kyi 'khor lo la sogs pa rgyud sde gong 'og gi dbang bskur mi 'dra ba mtha' yas pa zhig gsan te/ rgyud sde de rnams las gsungs pa'i dam tshig dang sdom pa rnams kyang srung sdom gyi rwa ba las nam yang mi 'da' bar mdzad pa yin la/ khyad par du'ang mkhan chen rdo rje 'chang byams pa kun dga' bstan 'dzin gyi drung nas bla ma rin 'byung gi byin rlabs gsan skabs rje de nyid bcom ldan 'das rin chen 'byung ldan dngos su gzigs pas mtshon bka' chos gsan pa'i bla ma rnams la sangs rgyas dngos kyi 'du shes dang dus thams cad du mi 'bral ba'i sgo nas phyag 'tshal ba dang / mchod cing bsnyen bkur ba sogs rdo rje theg pa'i dam tshig gi gtso bo dngos po thams cad kyis bla ma rdo rje slob dpon yongs su mnyes par mdzad pa kho na las mi mnyes pa skad cig kyang mi mdzad pa dang / ji ltar stsal ba'i bka' las cung zad kyang mi 'da' bar bzhed don mtha' dag tshul bzhin du sgrub pa dang / thugs dad pa dang gus pa drag po'i nyin mtshan dus drug tu gsol ba 'debs pa la rtse gcig tu brtson par mdzad pa yin no/ /de ltar sdom pa gsum gyis thugs rgyud yongs su gtams pa'i sgo nas tshul khrims kyi phung po dang / dam tshig dang sdom pa'i tshogs la srung sdom tshul bzhin du mdzad pa'o/ /ngan 'gros bsnyengs slad ma lags la/ /bzhed pa'i 'gro ba'ang sgrub ma