[A:559]pa'i mtshan du 'jam dpal dgyes pa'i bshes gnyen gtsug lag smra ba'i nyi ma phyogs thams cad las rnam par rgyal ba'i sde zhes gsol bar mdzad do/ /yang lo de'i mjug tu bcu phrag rig pa'i ma hA paNDi ta 'jam dbyangs mkhyen brtse'i dbang po'am/ gtsug lag smra ba'i nyi ma phyogs thams cad las rnam par rgyal ba'i sde zhes yongs su grags pa'i zhal snga nas slob dpon chen po ngaNDI zhabs kyis mdzad pa'i snyan ngag gi bstan bcos me long bod mkhas pa'i 'grel pa'i steng nas bshad khrid zhib par gsan zhing / le'u gsum ga'i dper brjod sgra don gyi nyams 'gyur phun sum tshogs pa mkhas pa rnams yid 'phrog par byed pa dang bcas zhag nyer lnga'i khongs su grub par mdzad/ der ma zad slob dpon chen po rin chen 'byung gnas zhi ba'i zhabs kyis mdzad pa'i sdeb sbyor gyi bstan bcos rin chen 'byung gnas sogs phyi nang gi rig pa'i gzhung mtha' yas pa rnams la gsan sbyong tshul bzhin du mdzad de bod dang bod chen po'i ljongs na mkhas dbang smra ba'i seng ge ji snyed bzhugs pa de thams cad kyi gtsug tor gyi rtse na zhabs sen padma dkar po'i phreng ba gsar du bkod pa'i tshul bstan pa na rje btsun 'jam pa'i dbyangs de nyid shin tu rgyas pa'i zhal gyi dkyil 'khor zla ba zhun ma'i mdangs kyis byugs pa lta bus mdzes par bklubs pa dang chab cig legs so'i me tog char du bsnyil ba'i sgo nas 'jam dpal smra ba'i seng ge mtsho byung dga' ba'i bshes gnyen zhes bya ba'i mtshan snyan gyi rol mo phyogs kyi khor yug kun tu bsgrags par mdzad do/ /dgung grangs nyer gcig tu son pa na gong du bshad pa ltar bsnyen rdzogs kyi sdom pa bzhes pa'i rjes su dpal kye rdo