[A:568]sde'i mkhyen rab kyi chu gter las byung ba'i zab khrid brgya dang brgyad yongs su rdzogs pa pod dbang gi sgo nas byin gyis brlab pa dang yig cha'i lung bcas/ bod yul grub rigs rgya mtsho'i gtsug gi rgyan gcig pu mi la bzhad pa rdo rje'i thugs dam gyi yang snying dpal 'khor lo bde mchog snyan brgyud yid bzhin nor bu'i skor gyi brgyud pa yid bzhin nor bu'i lo rgyus kyis nges shes bskyed pa sogs sngon du 'gro ba'i smin lam yid bzhin nor bu dbang gi rim pa dang / grol lam yid bzhin nor bu khrid kyi rim pa dang / de dag gi rgyab rten lung gi rim pa ste gsum gyi sgo nas ras chung snyan brgyad du grags pa'i skor rnams gsan yig tu bzhugs pa bzhin legs par gsan/ tshe sgrub 'chi med bu ston gong khug ma'i rigs lnga'i tshe dbang dang / de'i yig cha'i skor gyi lung sogs gzhan yang lung phran mang du gsan no/ /zhu chen tshul khrims rin chen gyi bka' 'bum lung rgyun yod rigs dang / khro phu pa'i man ngag brgya rtsa 'bring po'i lung / dpal rdo rje nag po chen po gur gyi mgon po'i chos skor skyo pod pusti gnyis kyi lung / rta ra ba kun dga' legs grub kyis mdzad pa'i lam 'bras glegs bam pod sngon du grags pa'i lung yongs rdzogs/ mnga' ris paN chen padma dbang rgyal rdo rje'i gter byon gu ru'i sgrub thabs yon tan gter mdzod skor gyi lung / nor bu bstan pa spyi'i dbang / de'i khrid/ bcu gcig zhal dpal lugs mkha' mkha' 'gro lnga skor gyi dbang / dpal rdo rje 'jigs byed kyi dug dbang rma bya rgyas pa/ sgrol ma 'jigs pa kun sel gyi rjes gnang / 'phags pa 'od zer dri ma med pa thub dbang lha bdun pa'i dbang / gtsug tor dri med lha lnga'i dbang / gur gyi mgon po sprin zhabs ma'i rjes gnang /