[A:569] sgra mi snyan gyi tshe dbang zab mo/ 'jam dpal chos kyi dbyings gsung gi dbang phyug lha nyis brgya nyi shu rtsa dgu'i dkyil 'khor lnga'i dbang bskur ba/ gter chen chos rje gling pa'i gter byon dpal yang dag bde chen snying po'i mtshan ma'i dkyil 'khor du dbang bzhi yongs su rdzogs pa/ grub rgyal lugs kyi tshe dpag med sprul sku'i dbang bzhi byin rlabs kyi tshul du bskur ba/ dpal sa skya'i yab chos yang dag he ru ka lha dgu'i rdul tshon gyi dkyil 'khor du dbang bzhi mtha' rten dang bcas pa/ sprul pa'i gter ston bzang po grags pas ru lag grom pa rgyang gi lha khang nas spyan drangs pa'i gsol 'debs le'u bdun ma dang / bsam pa lhun grub ma'i lung bcas legs par gsan no/ /mdo sngags bstan pa'i srog shing khyab bdag bka' 'gyur ba chen po ngag dbang legs grub kyi zhal snga nas dpal kye rdo rje'i bshad rgyud thun mong ma yin pa rdo rje gur las gsungs pa'i mkha' 'gro lnga rigs bsdus pa'i dkyil 'khor du dbang bskur ba dang / bshad rgyud thun mong ba sambu Ta las gsungs pa'i rdo rje dbyings lha so bdun ma'i dkyil 'khor du dbang bskur ba/ 'phags pa thugs rje chen po dang phyag rgya chen po zung 'jug tu sgrub pa'i rjes gnang sngon du 'gro ba'i spyan ras gzigs kyi dmar khrid tshems bu lugs kyi yig cha'i skor gyi lung dang bcas pa/ dpal ldan don grub kyi yig steng nas sgrol ma dmar mo'i rjes gnang / rje btsun sa skya pa'i gser chos thun mong ma yin pa ku ru kulle lha lnga'i dbang / de'i phyi sgrub thun mong ma yin pa'i rjes gnang dang / yang ngor lugs kyi rjes gnang bcas/ ku ru kulle gsang sgrub lha lnga'i byin rlabs/ tshogs bdag dmar chen gyi rjes gnang ngor lugs dang / thun mong ma yin pa/ dmar chen khyad par ba/ chags pa'i rdo rje/ jo lugs tshogs bdag dkar po/ gnyan lo'i dbang gi lha dmar chung skor gsum/ 'dod pa'i rgyal po'i rjes gnang /