[A:581]med chos kyi rgyal mtshan drung nas kun mkhyen padma dkar po'i dag pa'i gzigs ngor shar ba'i gur drag phur sham can gyi stod las byang chub sgrub pa dang / smad las dgra bgegs sgrol ba'i byin rlabs zab mo/ des mdzad pa'i bla ma drag po kI la ya'i man ngag gi lung dang / dmar khrid mdor bsdus bcas gsan/ yang chab mdo rgya ra sprul sku rin po che 'phags mchog 'jigs med thub bstan chos kyi dbang phyug gi drung nas mi tra'i khrid drug la lha rang rang gi dbang bskur ba dang rjes gnang sngon du 'gro bas/ spyan ras gzigs gsung gi khrid/ 'jam pa'i dpal sku'i khrid/ phyag na rdo rje thugs kyi khrid bdud dpung 'joms byed/ tshe dpag med yon tan gyi khrid 'chi med rdo rjai'i sku sgrub pa/ sgrol ma 'jigs pa brgyad skyob phrin las kyi khrid 'khor ba'i 'phrang sgrol ba/ dzambha la ser po'i khrid dngos grub char 'bebs rnams dang / chos skyong brag lha mgon po'i rjes gnang / de dag gi rgyab rten du grub chen mi tra dzo ki'i thugs dam lha drug gi rtsa ba'i chos tshan thems yig dkar chag gsal ba'i me long las byung ba'i chos skor rnams kyi lung bcas legs par gsan no/ /chos kyi spyan ldan bla ma bstan pa dar rgyas drung nas slob dpon chen po sa ra has bkral ba'i sangs rgyas thod pa lha nyer lnga'i dbang dang / dpal rdo rje 'jigs byed sa lugs kyi dbang bzhi yongs su rdzogs pa gsan pa ste/ mdor na bka' chos kyi rigs gsan pa de rnams kyang 'dir ni rags pa tsam smos par zad kyi/ 'dir ma 'dus pa'i yig cha so so'i lung dang / gzhan yang gsang sngags gsar rnying gi dbang lung man ngag rnams kyis gtsos phyi nang gi rig pa'i gnas ji snyed pa gsan pa'i tshul zhib mor phye