[A:583]bang mdzod du/ /da dung thos pa'i nor bu cher sdud pas/ /nam yang chog mi shes pa'i blo gros can/ /'di yi dgongs pa nam zhig gang bar 'gyur/ /sman mdzad khyed kyis bdog pa ji snyed pas/ /mtha' klas 'gro ba'i re 'dod skong zhes rdzun/ /gzhan du rnam mang shes bya nor bu'i tshogs/ /ma byin par yang bdag gir bzhed 'di ci/ /ji snyed shes bya rgya mtsho'i khyon gyis kyang / /nam mkha'i mtha' ltar yangs pa'i mkhyen rab la/ /cha tsam 'gran par ma bzod mgon khyod kyi/ /thugs kyi bum bzang mchog tu yib bam snyam/ /smra ba'i shun pa spangs te rtse gcig tu/ /zab mo'i don la spyod pa mngar ba'i ro/ /rnam par dpyod ldan khyod kyis myong ba ltar/ /srid na blo ldan brgyas kyang myong ba med/ /ces khams gsum chos kyi rgyal po mkhan chen rdo rje 'chang byams pa kun dga' bstan pa'i rgyal mtshan dpal bzang po'i rnam par thar pa yon tan mtha' yas pa'i rgya mtsho dngos grub kyi rba rlabs rnam par g.yo ba las/ phyi nang gi rig pa'i gnas rnams la mang du thos pa yongs su btsal ba'i skabs te gsum pa'o// // ! de nas dgung grangs nyer gsum pa'i skabs phan khang mkhan rin po che kun dga' bstan pa'i blo gros nas sa skya bdag chen rin po cher e wa~M bla brang gi mkhan po'i dgongs khrol nan tan du zhus stabs ngor gyi bla khag khang tshan rnams la mkhan po'i 'os 'du 'phral du 'bul dgos kyi bka' lung gnang bar/ e wa~M pa'i bla khag khang tshan thams cad kyis/ deng gi skabs 'dir byang phyogs thub pa'i rgyal tshab rgyal ba rdo rje 'chang kun dga' bzang po nyid rang bstan nyi zla lta bur slar yang spel ba'i slad du bsam bzhin sku'i skye