[A:603]gnas brtan cho ga /maNDal bzhi chog /yan lag bdun pa'i cho ga /rnam rgyal stong mchod sogs nyin grangs du ma'i bar du mdzad pa la/ nyin re bzhin spos/ mar me/ zhal zas sogs brgya phrag res gtsos mchod pa'i rnam grangs mang po dang / dge 'dun rnams la gsol chas kyi zhabs tog /phyag 'gyed phun sum tshogs pa bcas rje rin po che nyid nas stsal ba dang / lhag par gzhi gsum gyi cho ga'i phyag srol bzang po 'di nyid ji srid 'jig rten gyi khams 'dir rgyal ba'i bstan pa rin po che 'tsho zhing gzhes pa de srid du mi nyams par rgyun chags su gnas pa'i rten du Ta~M brgyad brgya skor sbyor 'jags su stsal zhing / de phyin dbyar gnas skabs mchod 'bul zab rgyas dang 'brel bar bla ma mchod pa'i cho ga dang / gnas brtan phyag mchod sogs nyin bdun re tsam btsugs te dbyar bzhugs kyi dge 'dun ji snyed pa la bsnyen bkur bla na med pa'i rten gzhag phon cher mdzad pa la brten phyi nas kyang rim gyis dar rgyas su gyur te/ deng sang gi skabs 'dir blo gsal rigs pa smra ba 'ga' zhig ni sdom pa gsum gyi bstan bcos spyi dang / rab 'byams 'dul ba rgya mtsho'i gzhung la blo gros kyi gsal snang cung zad thob ste/ lhag par thos bsam dang lta rtog bya bar sems pa dang / phal cher kyang snam sbyar dang / lhung bzed sogs dge slong gi 'tsho ba'i yo byad rnams rgyu mtshan dang bcas pa shes shing 'chang ba dang / des mtshon nas dgag sgrub gnang gsum gyi bslab bya dag kyang ci rigs par ngo shes te srung sdom tshul bzhin bgyid pa la brtson par gyur pa bcas/ mdor na ston dang bstan pa gnyis kyi bdag nyid 'dul ba'i bstan pa rin po che dus thams cad du dar zhing rgyas pa 'di ni bdag cag