[A:605]khro shin tu legs pa gcig sbyor 'jags dang chab cig dkon mchog gi rten la rnam lnga'i brgya mchod dang / gos chen gyi bla bre ngo mtshar ba phul thog 'dus pa rgya mtshor bsnyen bkur gya nom pa bstabs te bla ma mchod pa'i cho ga btsugs pa sogs mdzad do/ /gzhan yang rgyal bas cho 'phrul chen po bstan pa'i dus chen rta pa zla ba'i nang dang / zla ba byung ngo cog gi nya stong brgyad gsum phal che ba la lam 'bras lha khang sogs bla brang steng shod kyi lha khang rnams su spos dang / mar me/ zhal zas sogs mchod pa'i bye brag re re nas brgya phrag lhag pa'i mchod 'bul dang 'brel bar dge 'dun bco lnga'am nyi shu'i skor bsnyen bkur gya nom pas mnyes par mdzad de bla ma mchod pa dang / maNDal bzhi chog /gnas brtan cho ga sogs bstar chags su btsugs pa dang / de mtshungs gtsug lag khang chen por dge 'dun 'dus pa rgya mtshor nyin re bzhin dus ja re re dang / skabs 'gar gnyis re bcas lo khor yug tu phal cher gtong dgos pa'ang sngar rgyun las zab cing rgyas par mdzad pa dang / khyad par sa ga zla ba'i nyi shu gnyis nas bzung gnam gang bar rgyal ba rdo rje 'chang gi dgongs rdzogs ngor lugs dkyil 'khor lnga'i sgrub mchod 'dzugs pa sogs dus mchod kyi rim pa mang du yod pa'i gtong sgo rnams kyang nyams chag phran bu'ang med par sngar las kyang zab cing rgyas pas kun gyis bsngags pa'i gnas su gyur pa 'ba' zhig mdzad pa yin no/ /de ltar rgyal ba rdo rje 'chang gis seng ge'i khri la zhabs zung gser gyi 'khor lo bkod nas bgrang bya brgyad kyi bar du dkon mchog la mchod pa/ dge 'dun la bsnyen bkur/ bka' chos 'chad spel/ bstan pa'i 'dzin skyong /