[A:609]sar zhabs drung rin po che ngag dbang blo gros snying po/ klu sdings zhabs drung byams pa tshul khrims phun tshogs sogs la snar thang brgya rtsa sogs bka' chos 'ga' zhig stsal/ de'i dbyar lor sog po bla ma mang thos 'jam dbyangs phrin las la sa skya'i bka' 'bum gyi lung sogs gnang zhing / lo de'i ston kar bod kyi rgyal po rwa sgrengs khri chen rin po che bkra shis lhun po ru paN chen thams cad mkhyen pa rin po cher dge tshul gyi sdom pa gnang ba la pheb pa'i pheb bsur pad nams bar byon/ de skabs bkra shis lhun por dge 'dun 'dus pa rgya mtshor nang ja gnyis/ de'i nang gses khron sbugs mi tshan la mang ja gnyis phyag 'gyed bcas gzab par mdzad/ gzhis rtse mda' dpon rang byon pa dang / rin spungs sogs la rnam sme'i sgo nas byab khrus dang / sgrol dkar dbyangs can sogs kyi rjes gnang / tshe dbang sogs mang du stsal te slar ngor du pheb/ de'i dgun chab mdo dkon rdor sprul skus gsol ba btab ste gser chos bcu gsum sogs zab chos mang du stsal/ dgung grangs so gsum pa lcags bya lor mkhan chen rdo rje 'chang rnal 'byor 'jam dpal bzang po dang rje nyid lhan rgyas sku'i 'phrod gzhes la rta nag 'bu ru chu tshan du pheb/ de skabs thub bstan rnam rgyal du zhag gsum tsam bzhugs/ lung rig smra ba'i khyu mchog mkhan chen seng ge rab rgyas pa dang chos kyi 'bel gtam kho nas dus 'da' bar mdzad de phan tshun thugs yid gcig 'dres su gyur/ thub bstan rnam rgyal dang 'gos khug pa lhas btsas kyi sgrub gnas zhal gzigs su grags pa sogs dgon sde so sor mchod 'bul dang / mang ja grwal 'gyed rgyas par mdzad/ lo de'i hor zla dgu pa'i mjug tu 'dzam gling gi yul mtha' 'ga'