[A:610]zhig la gnas te rang gi lta ba ngan pa la mchog tu bzung nas srog gcod pa la sogs pa'i bya ba ma yin pa dag la dag grol nges 'byin gyi lam du blta ba'i skye bo ma rungs pa ngan 'gro'i gnas su bgrod pa la ches rings pa kha cig bod chos ldan gyi rgyal po'i zhing na bzhugs pa'i bstan pa de 'dzin dang bcas pa'i gzi byin ma bzod par log par 'khu ba'i bsams pas rgyang ring po dag nas 'ong bar thos pa dang / der ma zad rtsod ldan dus kyi tha ma la mngon du phyogs pa'i snyigs ma'i rang rtags mngon par bdo bas 'jig rten gyi khams su 'khrugs rtsod la sogs pa mi mthun pa'i rkyen ngan chu 'dzin nag po bya ra byed pa lta bu rim par lhag pas na/ byang phyogs chos kyi rgyal po'i bkas ched du bskul ba dang / gcig tu bstan 'gro'i don la lhag par dgongs pas thabs dmigs pa med pa'i snying rje dang shes rab stong pa nyid zung du 'jug pa'i ting nge 'dzin las ma g.yos bzhin du/ dpal dgyes mdzad he ru ka 'jigs rung drag por khros pa rdo rje nag po chen po gur gyi mgon po khams gsum za bar nus pa'i rngam brjid dang ldan pa'i skur bzhengs te/ dgra bgegs thams cad kyi stobs rab tu 'phrog cing rol ba'i drag po dmar gyi gtor ma chen po gnam lcags thog gi mde'u lta bus byad ma de dag gi snying gi dkyil du gzir bas/ rgya mtsho chen po rlung gis bskyod pa bzhin srid pa gsum po rnam par g.yo ba dang chab cig ma rungs ba'i yid can de dag sbur ma rlung gis ded pa ltar phyogs kyi pha mthar bskrad de ming gi lhag ma tsam yang rna lam du grag tu med pa dang / mi mthun pa'i rkyen ngan gang yin pa de dag kyang de nas brtsams te nyi 'od dang 'phrad pa'i mun pa lta bur mi ring bar zhi zhing rdzogs ldan gyi bde skyid phun sum tshogs pa rim gyis thob pas skye 'gro thams cad dbugs dbyung bar