[A:531]dbang mo rnyed par 'gyur/ /zhes dang / sangs rgyas thod pa las/ man ngag 'di yi cha dag ni/ /glegs bam rnams las spyod yul min/ /bla ma'i zhal las shes par bya/ /zhes sogs dang / sher phyin sdud pa las kyang / sangs rgyas chos rnams dge ba'i bshes la bsten to zhes/ yon tan kun gyi mchog mnga' rgyal ba de skad gsungs/ /zhes dang / slob ma bzang po bla mar gus ldan de dag gis/ /bla ma mkhas pa rnams la rtag tu bsten par bya/ /ci'i phyir zhe na mkhas pa'i yon tan de las 'byung / /zhes dang / gzhan yang sdong po bkod pa las kyang mang du gsungs pa lta bu ste/ mdor na dbang don dag bya dag byed ngo 'phrod pa'i dbang bzhi mtshan nyid dang ldan pa bskur ba'i rdo rje slob dpon de ni gdan gsum lha'i rang bzhin/ dkon mchog gsum po gcig tu 'dus pa'i bdag nyid/ rigs lnga'i rang bzhin rigs drug pa rdo rje sems dpa'i ngo bo yin zhing / 'jig rten dang 'jig rten las 'das pa'i dngos grub thams cad kyang bla ma mnyes pa'i zhal snga kho na las rnyed par 'gyur ro zhes bka' dang bstan bcos thams cad las dgongs pa gcig dang dbyangs gcig gis gsungs pa'i gtan tshigs khyad par can 'di dag gis shes par nus so/ /de lta mod kyi sangs rgyas rnams ni byang chub tu nges par 'byung ba'i rgyu sngon gyi smon lam rlabs po ches gzhan dbang du gyur pa dang / bdag