[A:614]gsum pa'i nang mkhan chen rdo rje 'chang kun dga'i mtshan can de nyid dgongs pa chos dbyings su thim pa'i dus kyi mchod pa chen po'i skabs/ rje nyid dbur bzhugs pa'i dge 'dun bcus bcom ldan 'das dpal kun tu rig pa chen po'i rdul tshon gyi dkyil 'khor bzhengs te sgrub cing mchod pa dang / bdag nyid 'jug cing dbang blang ba dang bcas pa nyin lnga'i bar du mdzad/ de rjes hor zla lnga pa nang nas khangs sar mkhan ngag dbang bsod nams rgyal mtshan/ de skabs kyi mkhan rin po che khri thog pa/ bla ma bstan pa sogs la rdo rje phreng ba'i dbang / jo nang khrid brgya/ 'jigs byed rwa lugs lha dgu'i dbang sngon du 'gro ba'i skyo lugs rwa rtse sems 'dzin gyi khrid/ 'jigs byed lha bcu gsum ma'i dbang sngon 'gro'i rwa khrid mkha' 'gro snyan brgyud kyi khrid/ 'jigs byed dang las gshin dmar nag skor gyi rjes gnang sogs stsal/ shing pho byi ba'i lo'i dpyid kar khang sar mkhan dang / zhabs drung rin po che 'jam dbyangs shes rab rgya mtsho/ zhabs drung rin po che ngag dbang blo gros snying po/ /bla ma bstan pa sogs la sems tsam lugs kyi sems bskyed dang / nA ro mkha' spyod kyi zab khrid/ bde mchog dril bu pa'i dbang khrid/ gshed dmar spros med kyi khrid sogs gnang / lo de'i sa ga zla ba'i tshes bcu nyin 'jigs bral dpal ldan chos skyong dang gnyis su med pa'i grub pa'i dbang phyug chen po mkhan chen rdo rje 'chang rnal 'byor 'jam dpal bzang po de nyid dgongs pa zhi ba'i dbyings su gzigs pa'i tshul bstan pa na'ang thugs dam gyi gsol 'debs/ sku gdung gi zhabs zhus/ dpal kye rdo rje'i sgrub mchod 'dzugs pa sogs dgongs rdzogs mtha' dag mkhan chen rdo rje 'chang byams pa kun dga' bstan 'dzin nyid dag zhing