[A:620]rgyal ba'i spyan gyi gzigs ma gyur/ /rang don rtsA bzhin btang nas gzhan don gyis/ /bdud rtsi'i brtul zhugs grub pas dgyes pa can/ /mgon po gang gi dpe zlar 'os pa bzhin/ /rgyal rnams chos kyi dbyings su 'tshol ba 'dra/ /zhes khams gsum chos kyi rgyal po mkhan chen rdo rje 'chang byams pa kun dga' bstan pa'i rgyal mtshan dpal bzang po'i rnam par thar pa yon tan mtha' yas pa'i rgya mtsho dngos grub kyi rba rlabs rnam par g.yo ba las/ chos kyi 'khor lo bskor ba la sogs pa mdzad pa sna tshogs kyi sgo nas bstan 'gror phan bde spel ba'i skabs te lnga pa'o// // ! de ltar gtso bor 'chad pa'i sgo nas bstan pa rin po che spel ba'i tshul mdo tsam brjod nas/ da ni rtsod pa gnam lcags kyi 'khor los pha rol po'i log rtog gi brag ri bcil te bstan pa ji ltar gsal bar mdzad pa'ang / spyir 'phags yul gyi rig pa'i dbang phyug chen po dpal ldan chos kyi grags pa sogs mu stegs byed dang rtsod pa na rgol/ phyir rgol/ dpang po gsum tshogs par byas te rang gzhan gyi 'khrul pa bzlog pa dang / bstan pa 'dzin pa'i phyir so so'i grub mtha'i rkang bzung nas rtsod pa byed pa ni shin tu legs shing / de las gzhan du skabs kyi don phran bu re dang gzhung dum bur bton nas sbyor ba khod zer ba ni byis pa'i skye bo nyams sad pa'i rtsod pa yin gyi/ mkhas pa'i skyes bu grub mtha' 'dzin pa'i rtsod pa ma yin no/ /zhes gsungs pa sogs mang du snang mod/ chos 'di las phyi rol du gyur pa'i grub mtha' smra ba lung rigs kyi stobs dang ldan pa dag ni bod kyi yul 'dir deng sang gi skabs su med pas spros pa'i tshogs chen pos rtsod pa byed pa de lta bu ni cher mi snang zhing / 'on kyang