[A:250]'grel legs cha btu ba dang / rang gis rtog bzo byed pa dang gsum tsam mchis pa'i nang nas 'chad tshul dang po la brten pa ni dpal ldan sa skya pa'i rang lugs yin pa mkhyen nas/ tshad ma rigs pa'i gter rang 'grel yang 'grel dang bcas pa rnams la dpyis phyin par gzigs sbyangs slob gsum gnang ba ma zad/ tshad ma'i bsdus grwa dang / blo rig rtags rig gi skor la byang chub par mdzad cing / de'i skabs su zin thun bris par phyis rgyas su btang ba'i yig cha las/ rtags rig nyi ma'i dkyil 'khor shar ba na/ /blo rig padmo rang dbang med par grol/ /ces gsungs pa ltar ro/ /gzhan yang chos dang chos ma yin pa rnam par 'byed pa la 'jam pa'i dbyangs nyid dngos su byon nas sgro 'dogs bcad pa lta bu sdom pa gsum rab tu dbye ba'i don la blo gros kyi 'jug pa shin tu gsal bar byas pas shing rta'i srog shing ma chag pa bzhin du chos kyi gnad mi 'chug pa'i gdeng de dus nas thob po/ /byang chub sems dpa'i spyod pa la 'jug pa dang / dbu ma la 'jug pa'i nyams khrid gsan nas byang chub kyi sems gnyis sangs rgyas kyi dngos rgyu nus pa thogs med yin pa'i nyams myong skyes shing / thabs shes zung 'jug gi lam gyis mthar phyin par bya ba'i don la nges pa gting nas 'khrungs/ gzhan yang mngon par rtogs pa'i rgyan dang / phar phyin theg pa'i gzhung pod grags che ba rnams kyi spyi don mtha' dpyod zla ba mang po'i bar du gsan cing / rje nyid kyi zhal nas/ thos bsam bsgres pa rnams shin tu nyams mtshar ba dang / gsar bu rnams