[A:249]du gyur pa rnams kyi ring lugs la snying po yod med shes dgos shing / de thams cad 'ol tshod mun pa'i mda' 'phen sha stag yin par shes nas/ ston pa dang bstan pa gnyis ka la nor 'khrul med pa'i lam dang lugs srol tshad ma gsum dang ldan la/ dri ma bzhi dang bral ba nang pa sangs rgyas pa kho nar yin pa'i nges shes bskyed pa ni/ tshad ma'i gzhung lugs la rag las shing / de'ang 'dzam gling mdzes pa'i rgyan gcig dpal ldan chos kyi grags pa rjes 'brang dang bcas pa'i gzhung la ltos dgos pas/ de'i gnad gsang phyin ci ma log par smra ba kun mkhyen bla ma'i rig lam da lta rta nag thub bstan rnam rgyal du bzhugs pa 'di yin cing / chos smra ba'i mkhan po'ang phyogs thams cad las rgyal ba'i smra ba'i dbang phyug grags shing grub pa ltar/ der byon nas bslab sbyong mtha' chod pa zhig dgos so zhes bka' gnang ba la/ dga' ba dang gus pa chen pos ji ltar bka' stsal ba'i don las skad cig kyang 'gal bar mi bgyid do ces zhus nas/ mkhas dbang 'jigs med dpal ldan dang lhan cig rta nag tu kun mkhyen bla ma'i gdan sar phebs/ gangs can tsam na 'gran med kyi sde snod 'dzin pa mi pham seng ge rab rgyas kyi zhabs pad bsten nas/ tshad ma kun btus/ tshad ma rnam 'grel/ tshad ma rnam nges kyi gzhung bshad yan lag dang bcas pa la gsan sbyangs mdzad nas 'phags yul ba'i tshad ma'i lam thams cad thugs su chud/ bod 'di na sde bdun gong 'og bsdebs pa dang / rgya