[A:254]gcig la 'gran tshad pa lta bu zhig byung 'dug /snga mar gzhung chen dang 'grel pa mang po la thugs 'dzin gnang nas tshig don so sor yang dag par rig pa'i spobs pa can du song zhing / da dung yang mdo sngags gzhung lugs kun la legs par spyangs shing legs par slob dgos pas/ mkhas dbang 'jigs med dpal ldan khyed kyis mthun 'gyur gang legs mdzod/ gzhan yang phyogs su ma lhung ba'i dge ba'i gshes gnyen mtshan nyid dang ldan pa rnams kyi zhal lung gsan nas rgyal bstan yongs rdzogs 'dzin pa'i 'os dang re ba che/ dang po rang gis nyams len gyi mthil du bzhag nas myong ba thon pa dang / de nas 'chad rtsod rtsom gsum gyis spel ba rnams gcig gis gcig go ma bkag pa mdor na bstan pa 'di la ci phan kho na gal che'o gsungs shing / sku gsung thugs rten gyi sna drangs pa'i na bza' nyer spyad spus legs mang du stsal/ thugs kyi sras gcig pur bzung / mkhan chen 'di ni mkhas pa'i rnam dpyod/ grub pa'i nyams rtogs gang gi thad nas yon tan thams cad gru bzhi lam me dod pa yin no ces rje 'jam dbyangs mkhyen brtses gsungs so/ /de ltar bka' don rjes su sgrub pa'i slad du rang gi lus srog longs spyod thams cad phongs med du gtong ba'i rdo rje'i g.yar dam brtan po de dus nas bcas so/ /don de dag la 'di skad ces smra'o/ /seng ge dkar mo'i phru gu de/ /rang gi ngang gis rtsal rdzogs kyang / /seng chen stobs dang ldan pa 'gas/ /nyams rtsal che ba'i tshul la slob/ /'khor los