[A:258]la ma myong bzhin/ /phra ba sgro 'dog so gnyis bral ba yi/ /rgyu 'bras phyin ci log pa'i skabs de 'dra/ /rje 'di'i zhal las nam yang 'byed mi mdzad/ /rgyu dang 'bras bu'i dgongs pa phun sum tshogs/ /'khor 'das dbyer med gnas lugs mngon du gzigs/ /thugs rje chen po'i thabs la mkhas gyur pa/ /skyabs mchog 'di yi khyad chos ma lags sam/ /dpal kye rdo rje'i gzhi'i bsnyen pa kha skong dang bcas pa zab rgyas dang / dmar po skor gsum dang / 'byung po 'dul byed dang / ngan song sbyong rgyud dang / tshe dpag med la sogs pa'i lhag pa'i lha mang po'i sgom bzlas la dus grangs mtshan ma'i bsnyen pa las su rung bar mdzad/ bar skabs zhig tu rang gi khu bo slob dpon nam mkha' rgyal mtshan zhes pa dge ba'i bshes gnyen khyad par 'phags pa de nyid sku tshe'i 'du byed rdzogs pa'i mchod sprin dang / gzhan yang bsod nams kyi dge tshogs rlabs po che gdul bya rnams la smin pa'i phyir phyag rdzas kyi dngos po yod rigs rtsal sprugs su mdzad de gtong ba'i sgo brgyar 'byed/ snga phyi kun tu sems can ngan 'gro'i sdug bsngal gyis mnar ba mang po thugs lam du shar bas bzod du med pa'i thugs rje 'khrungs nas 'phags mchog 'jig rten dbang phyug gi cho ga dang rjes su 'brel ba'i smyung bar gnas pa nyis brgya lhag tsam sku nyams su bstar/ dus rgyun par sdug bsngal gyis nyen pa'i skye 'gro 'ga' zhig gzigs pa lta ci/ snyan dbang du dengs pa tsam gyis mi bzod pa'i ngang tshul bzhes shing / bar do'i sems can rnams la dmigs pa'i gsur