[A:259]bsngo rgyun chags dang / gzungs sngags khyad par can mang po bzla bar mdzad cing / bye brag tu yi ge drug pa stong phrag re re/ dri med rnam gnyis dang / rnam par rgyal ma'i gzungs sngags nyer gcig re ljags bzlas gnang nas bzang po spyod pa'i smon lam gyis rgyas 'debs yang yang mdzad/ skabs 'ga' zhig sdig po che kha cig la dmigs pa'i ltung ba bshags pa dang / yi ge brgya pa yang yang ljags bzlas mdzad/ gson gshin gyi dmigs yul de dag skabs 'ga' rer ming nas smon pa'ang gnang zhing / drung du 'khod skabs 'brel tshad don ldan gyi skyes bu dam pa 'di 'dra dang mjal ba skal pa mi dman pa zhig e yin nam snyam pa'ang byung / dus rgyun par thugs dam nar ma ni/ thun gsum la dbang bzhi len pa dang / lam zab mo bla ma'i rnal 'byor phyi nang gnyis dang / gsang ba rnal 'byor dbang phyug gi rnal 'byor srung ba dang bcas pa'i steng du yang gsang mthu stobs mgon po'i gzhi lam 'bras gsum chig dril gyi rnal 'byor rdzogs rim dang bcas pa dang / dpa' mo mkha' spyod dga' ma'i rnal 'byor rim pa gnyis dang bcas pa la/ dpal ldan sa skya pa'i chag med rnam bzhi grags pa ltar nyams bzhes kyi mthil du gnang zhing / mchog gi dngos grub brnyes pa 'jam dpal bstan 'dzin las mgon po'i dbang khrid gsan lugs ngo mtshar can mdzad nas/ phrin las kyi lha rdo rje nag po chen po'i srung 'khor rdo rje'i brag rdzong ma la gang la gang dgos kyi dmigs pa'i 'khrul 'khor bsgyur bas phrin las rnam