[A:261]lhun grub rdo rje za ma tog /zag med yon tan phung pos yongs su gtams/ /rkyen gyis nyams rgud med pa'i ngang tshul la/ /'di mtha' 'di tsam zhes pa'i smra ba de/ /blo chung byis par mtshar bskyed kho nar zad/ /'on kyang gnas snang mthun dang mi mthun pas/ /thun mong thun min khyad par byung ba la/ /skabs don so sor brjod pa don med min/ /yon tan kun 'byung rigs khams dge ba'i zhing / /stobs lngas yongs sbyong las su rung ba la/ /sdom gsum chos kyi sa bon rma med sbrum/ /'jug ldog tshul bzhin spyod pa'i chu lud bran/ /gnas brtan 'dul ba 'dzin pa'i myu gu brdol/ /rgyal sras sems dpa' chen po sdong bu'i bsring / /gsang chen rig pa 'dzin pa'i snye mar smin/ /sa gsum nyer 'tsho'i dpal gyi go skabs yang / /dgung grangs nyer gsum pa'i dus su e waM chos ldan gyi gtsug lag khang du dge 'dun 'dus pa rgya mtsho'i dbus su tshogs kyi rdo rje slob dpon mnga' gsol/ de nas bzung ste lo grangs lnga yi bar du/ rje rdo rje 'chang yab sras kyi bca' khrims gtan tshigs ji ltar bzhag pa ltar du/ sgrig lam kun spyod/ ngag 'don chos brjod/ rgyud sde'i phyag len/ phra rags thams cad tshul bzhin du sbyod pa'i lam srol bzang po'i skabs phyed bar mdzad/ tshul min spyod pa rnams kyi bag med kyi sgo gleg shin tu sdom sde/ dad ldan dwang ba 'dren pa'i mig rgyan du 'gyur nges par mdzad/ blo gsal don gnyer can gzhir gnas dang glo bur lhag pa dag la mdo sngags kyi gzhung dang / rig gnas yan lag dang