[A:260]bzhi rang dbang 'byor pa dang / nang rtsa gsum 'khor lo lnga la lhan skyes kyi mgon po lcam dral bzhugs par ngo shes rtsal rdzogs kyi 'phrul thabs bsten pas/ gsang ba gdod ma'i mgon po'i rgyal thabs zin pa'i nyams bzhes la byin rlabs kyi bka' babs thun mong ma yin pa bzhugs shing / de gsan yul gyi bla ma la'ang bsngags par brjod pa 'di ltar gnang / rdo rje rnal 'byor ma yis rjes su bzung / /rgyud gsum dam can rgya mtsho bran du 'khol/ /snyan brgyud bstan pa'i mnga' bdag rdo mkhar ba/ /'jam dpal bstan 'dzin bzang po snying nas dran/ /zhes gsungs shing sangs rgyas dngos kyi 'du shes mdzad cing / gsung 'phros su rje de nyid kyi rjes gnang skabs su bzlas lung 'bru nag bar snang la chags pa'ang dad ldan 'ga' zhig gis dbang po'i mngon sum mo gsungs pa dang / de sogs ngo mtshar ba'i gtam mang du yod do gsungs pa tsam las ha cang gsal po yang mi gsungs/ kho bo cag la'ang de'i thugs rje'i 'od zer gyis khyab lugs gzhan dang mi 'dra ba yod par rlom mo zhes brda tsam gsungs/ gzhan yang phrin las kyi lha mo sgrol ma dkar dmar gyi nyams bzhes dang / de'i byin rlabs kyi mtshan ma mchog tu brnyes shing / phyis su padma 'od gsal mdo sngags gling pa'i zab chos 'phags ma'i snying thig gi chos bdag lung bstan/ de dag gi skor phyogs tsam brda tsam las zhib tu brjod pa'i rngo ma thogs te/ rje 'di nyid rang gi yon tan thams cad sbed cing gsang ba kho nar mdzad pa'i phyir ro/ /don de dag las 'di skad ces smra'o/ /rang bzhin