[A:263]phreng mdzes zhes bya ba rgyud sde bzhi yi bka' ma chad pa rnams phyogs gcig tu bsdebs pa'i dkar chag bkod yod cing / de la rang gis 'bad rtsol gyis mthar dbyung thub pa zhig byung na bsam brgya dran gcig de kho na yin mod/ don thog smin pa zhig la/ bdud rigs kyis bar du gcod pas dka' ba'i gnas su gyur/ des na kho bo'i blo yi gtad ra khyod la bca' ba yin pas/ de dag la gsal byed chog sgrig 'chad sbel sogs gang thad nas bsam don mthar phyin pa gal che lan dgu brjod pa lags/ de la mi shes pa dang mi 'grub pa yod mi 'gro/ /thog mar rdo rje 'jigs byed lha zhe dgu ma'i dkyil chog la chog khrigs 'di dang 'di lta bu gyis shig ces bslab ston dang / yang sangs rgyas kyi bstan pa 'dzin smra ba de ni/ mi dpung gra sdeb/ stobs dang gzi brjid/ thob dang dbang thang / 'khor dang longs spyod ci rngams ci che byas pas 'dzin mi nus te/ sangs rgyas kyis gsungs shing / sdud pa pos bsdus pa la/ rgya gar paN grub dam pa rnams kyis bshad sgrub mdzad de/ bla ma brgyud pa gser ri tshar du dngar ba lta bu las 'ongs pa'i zab rgyas gsang ba mchog gi chos tshul rgya mtsho'i gzhi dang snying po yang snying dang bcas pa'i bka' babs bdud rtsi'i phung po dang 'dra ba de dag /nyams pa sor chud cing / ma nyams par rgyun mi 'chad pa'i thabs tshul la/ dka' ba khyad bsad dang / ngal ba dwang len gyi 'bad rtsol brgya phrag mang pos brtson par bya ba yin pas/ khyod kyis ci nas kyang de bzhin du rjes su bsgrub par gyis shig /nga rang