[A:268]brtan yan lag 'byung yin gsung mkhan/ bla ma bod skad mdzad pa zhig mngon sum byon byung ba'i gzigs pa 'od gsal dag pa'i snang ngor shar shing / de la 'brel ba thogs tshad ngan song dang 'khor ba'i 'jigs pa las grol lo zhes dril bsgrags pa la/ dus skabs de na bla ma gzhan su gcig kyang ma byon rje 'di kho nar byon pa'i skabs su babs pa na/ byang chub sems dpa' mi bdag gi tshul can nang chen chos rgyal dam pas gtsug nor bzhes te/ bkur sti gya nom par bsgrubs/ rgya khab dang 'brel ba'i chos sde de nyid dang / dgon khag mang zhig la 'dul ba'i gzhi gsum gyi phyag bzhes gsar 'dzugs gnang / phyogs de'i skye 'gro thams cad la chos kyi 'brel pas khyab par mdzad de/ sga stod phyogs kyi lte ba lta bu/ sngar bdag chen rgya gar bas dang po nyid du phyag 'debs gnang ba'i chos sde chen po skye rgu don grub gling du phebs/ de'i snga lo la sgrub brtson dam pa byams pa dar rgyas zhes mtshan du 'bod pa/ rnal 'byor gyi me phung bzlas grol dung gi dri zhon gyis bskul bas sgrib pa'i bud shing zad pa'i phyag rjes rdo rje btsun mo'i 'dzum zhal dbang po'i bdud rtsi mngon sum myong ba gang des/ yi ge'i lam nas rang gi nyer gnas la mdang sum nga'i nying 'khrul du/ nga mang thos klu sgrub rgya mtsho yin gsung mkhan/ bla ma paN zhu bzhes pa zhig byon nas 'du khang bsam 'grub rgya mtsho'i phyogs bzhi la gser gyi rgyal mtshan che legs bzhi 'dzugs song / de'i tshe