[A:268]sa phyogs 'di thams cad 'bur nyag mtho dman med pa thang chen bde 'byams lta bu la dkar lham me ba'i mdangs dang ldan pa zhig rmis so/ /de gang yin rim gyis brtag par bya dgos so zhes gnang ba la/ de dus phyogs der bla ma gzhan pa byon phebs bzhugs gsum ma byung zhing / rje 'di nyid phebs pa dang dus skabs 'grig pa byung ba na/ rnal 'byor pa de nyid bug sgo 'dam sbyar bsal nas chos bka' 'ga' zhig gsan par mdzad cing bstan pa dkar 'byams mdzad mkhan zhig 'ong bar thag bcad/ dus phyis phyogs der kun btus rnam gnyis gtsos pa'i chos 'khor chen po lan bzhi tsam bskor ba la snga ma'i rmis ltas dang mthun no ces brjod pa'ang byung ngo / /chos sde de nyid du gzhi gsum gyi phyag len gsar spel dang / rgyal ba'i sras kyi spyod pa la 'jug pa'i zhal khrid zab rgyas gnang / gra'u dpon tshang gi pho brang du bzhugs skabs shig la/ khang pa'i rab gsal nang nas lag pa nag po zhig ring du brkyang byung ba la/ de bar chad reg go zer ba'i sgra zhig grags pa dang lhan cig rang gi thugs la'ang de ltar yin 'dug snyam du dgongs nas/ oM ma hA kA la hU~M phaT/ zhes pa'i gsung skad lan gcig phyung ba na rang gi sku las me lce dmar lhab 'phros te lag pa de skad cig gis tshig song ba dang / da ni bar chad las grol lo snyam du thugs bde 'bol le song zhing / 'o cag dngos grub kun gyi rtsa ba bla ma'i bka' bsgrub pa la bgegs dang bar chad yod na'ang mi tshugs pa 'dra'o gsungs/ de nas rim