[A:270]rtsi'i thigs pa thugs kyi ku mud du lhung ba tsam gyis sngon med rab dga'i 'dab rgya phyogs med du grol nas 'jig rten las 'das pa'i sems gsar du rnyed pa dag la'ang de las lhag pa med dam snyam pa byung ngo gsungs/ dus de nyid du sngar dag pa'i snang ngor gzigs pa'i bla ma byin rlabs kyi zil dang ldan pa de ni 'di kho na lags so snyam pa'i nges shes 'khrungs/ gzhan rkyen gyis g.yeng ba gang gis kyang mi skyod pa'i ting nge 'dzin bde bas rgyan pa zhig gi ngang du gnas pa byung ngo gsungs/ snga nas 'dris zab che ba'i tshul ltar gsung zhal 'phros lhug par gnang zhing / de nas bzung ste lugs gnyis kyi bya ba che phra thams cad la yab sras bzhin du bslab ston mdzad pa yin ces gsungs/ yar zhu phul rgyu ni sgrub thabs rin po che kun las btus pa gtso bor gyur pa'i smin grol rgya mtsho'i bka' ma thob pa thams cad/ tshad med thugs rje'i gan mdzod 'gro ba lha mi kun gyi bsod nams kyi bgo skal rgyun chad med par 'jo ba de las/ bka' drin rin po che tog gi blo gros spyi bo'i gtsug tu rtsol thub pa zhig mkhyen mkhyen/ zhes yang nas yang du gsol ba 'debs par mdzad pa la/ bslu med gsung gi chos dung dge ba'i phyogs su 'khyil ba'i khong nas de bzhin rim gyis 'byung ba'i sgra dbyangs snyan po'i do shal snyan dbang rnam par mdzes pa'i rgyan du gsol lo/ /de tsam na dbyar zla ra ba'i yar tshes dga' ba dang po la/ tshe dang / blo gros dang / phrin las kyi chu gter rgyas pa'i dpal du/ lhag pa'i lha mchog bdud rtsi'i lang tsho can rnam pa gsum