[A:271]gyi gsang gsum byin rlabs rab dkar me tog rnam par bkod pas thog mar dge ba'i lam yangs par phyes so/ /de nas bzung ste brtse chen gdung skyob dkar po'i grib ma snum po la gcig tu ngal gsos shing / bsdu bzhi legs bris zhal zas ro brgya pa la ngom pa med par longs spyod bzhin pa/ bdag lta bu'i skal pa bzang po snyam pas tha ma'i mdzad pa ma bstan gyi bar du gnas pa yin ces yang yang gsungs shing phyis su'ang spyan chab bsil bar mdzad/ za nyal ma gtogs dran rgyu med pa bdag 'dra la khyed rang rnams zhag re zung chos la sgug long med pa 'di 'dra cis ded pa red/ ngas ni mi lo bcu bzhi'i bar du chos la sgug sdod bgyis pa yin ces bstan pa kho nar thugs dbus su bcangs pa'i gsung mchid mang po lhug lhug gnang bas/ de dus ni rna bar sun snang shar na'ang / phyis bsam tshe mchog gi rnam thar la ngo mtshar ba'i mchi ma lhung ba dang / rang gis rang la ngo tsha ba dang bag zhum pa ltar gyur/ yang rigs kyi bdag po gang de'i zhal nas/ de sngar gzhung lugs mang po'i don la blo gros kyi sbyan ras yangs pa shin tu legs shing / da dung sngar ma gsan pa gsan pa dang / gsan pa dag la nges pa gting nas rnyed pa zhig dgos so zhes dam pa'i ngang tshul ma sbas gsal bar ston pa de lta na/ bslab gsum sde snod 'dzin pa'i dge ba'i bshes gnyen kun gyi rtse mo/ /byang chub kyi sems gnyis dang rang rgyud mi phyed pa 'dres pa'i rgyal sras phyir mi ldog pa thub bstan chos kyi grags pa