[A:273]bde bar gshegs pa'i bka' dri ma med pa gangs can pa'i skad du 'gyur ro cog gi ljags lung gsan/ phyis su 'di skad gsungs te/ ngo cag skal ba re bzang / rje bka' drin can de'i ljags lung gsal la dag pa skabs phyed pa gsungs pa thams cad/ dad blo brtan pos yengs med du gsan pas/ de dus bsod nams bsags pa tsam nam yang 'byung bar dka' gsungs/ de nas 'jam dbyangs bla ma'i zhabs pad rgyun bsten du bzhugs nas chos bka' gang gnang ba thams cad gsan cing / snga phyi kun tu rdo rje rnal 'byor ma'i dbang bzhi byin rlabs kyi tshul du bskur ba kho na'ang lan grangs bcu gcig tsam thob bo gsungs/ yang dus skabs gzhan zhig tu rje bla ma'i bka' stsal gus 'dud kyis khrom thar phyogs su phebs te/ gzhi gsum cho ga gsar 'dzugs kyi phyag len mdzad/ 'dus pa brgya phrag mang tsam la mdo rgyud thams cad kyi snying po gsung ngag rin po che lam 'bras bu dang bcas pa'i smin grol rgyab rten dang bcas pa bshad tshul gnyis pa'i lugs ltar la phyag len gyi khyad dang ldan pa zla ba bzhi'i bar du gnang bar mdzad cing / dus der bu slob brgya phrag kha yar gyis dpal dgyes pa rdo rje'i gzhi'i bsnyen pa mthar phyin pa'i dam bca' phul/ de lhag thams cad kyis lam dus dbang bzhi rgyun chags su len pa'i g.yar dam brtan po bcas pa de dag /kun mkhyen 'jam dbyangs bla ma la sgrub pa'i maNDal dam pa dges pa'i mchod sprin du phul shing / zung 'jug rdo rje'i rgyal sar phyam gcig tu bgrod pa'i bden tshig gis byin