[A:272]la bsten dang legs so zhes dbugs dbyung thob pa'i mod la 'dun ba'i mi bzod pa g.yos te bsten pa yin ces gsungs shing / mgon de'i zhal snga nas dus snga phyi kun tu 'dul ba mdo rtsa ba dang / so sor thar pa'i mdo dang / mngon pa kun las btus dang / mngon pa mdzod dang / dbu ma rtsa 'jug bzhi gsum dang / byams chos sde lnga dang / spyod pa la 'jug pa bcas gzhung gi skor gyi zhal khrid mtha' chod pa dang / bka' gdams pha chos bu chos/ be bum sngon po/ dpe chos rin chen spungs pa/ blo sbyong snyan brgyud chen mo don bdun ma sogs gdams ngag gi skor rnams nyams khrid mdzad cing thugs nyams su bzhes te/ zhal slob nang ma dag la'ang / thugs brtse'i snying gtam gyi tshul du 'di ltar gdams/ 'o cag snying nas dam chos bsgrub pa'i gang zag zhig yin phyin chad blo sbyong gi gdams ngag rnams dang / blo ldog rnam ba bzhis sems rgyud brlan pa zhig ma byung na/ zab zab mang pos gang yang mi phyin pas 'di la ci nas kyang brtson par bya'o/ /chos dang gang zag gnyis 'dres dang ma 'dres pa'i khyad dang / bzang ngan gyi khyad rnams 'dis 'byed pa yin no gsungs/ slar lhun grub steng du mi dbang chen pos bskul zhing / 'jam dbyangs bla mas bka' phebs te gzhi gsum gyi sgrub sde gsar 'dzug gi ched du byon/ snga chos la 'dul ba mdo rtsa ba dang / phyi chos la mngon rtogs rgyan gyi gsung bshad mdzad/ dus skabs gzhan zhig tu rnam 'dren bla ma rin po che thub bstan chos kyi grags pa'ang phyogs der phebs pa las/ /