[A:275]po rnams la mchod gtor sngon du 'gro bas gnang ba zhus shing rten spo 'jog dang / mi dang mi min rnams la byang chub mchog tu sems bskyed pa'i sdom pa 'bog ste rgyud byin gyis brlabs shing / thog mtha' bar gsum du dge ba'i me tog rnam par bkod pas 'tshubs 'gyur dang bral bar gyur to/ /mdo smad kyi ljongs su chibs kyi kha lo bsgyur nas de phan chad kyi 'bul ba bsnyen bkur gyi dngos rdzas gang byung ba thams cad rje rang gi sku mched dpal ldan grags pa dbus gtsang phyogs su ched mngags mdzad de/ dbus kyi jo shag rnam gnyis dang / gtsang gi gdan sa gong 'og gnyis gtso bor gyur pa'i rten gsum rab 'byams rgya mtsho'i mdun du mchod 'bul rgyas spros dang / bla ma dge 'dun 'dus pa'i tshogs la bkur sti phun sum tshogs pa bsgrubs te/ 'jig rten pa'i sgyu ma'i nor rdzas snying pos dben pa'ang snying po mchog gi dpal du bskrun par mdzad do/ /skabs shig tu/ sangs rgyas thams cad kyi ye shes kyi sku gcig pu/ mi yi gzugs su bstan tsam gyi mchog sprul rin po che phyogs thams cad las rnam par rgyal ba'i 'jigs bral gyi slob dpon chen po rje mkhyen brtse'i dbang po'i sku mdun du rje 'di nyid gdan drangs te/ dpal gyi rnga bo che las 'di skad ces bsgrags so/ /kye ma snyigs ma'i skye rgu gdul dka' ba/ /mthu stobs mtshungs pa med pas rjes su bzung / /bka' drin gser gyi lhun po bye ba brgya/ /brtsegs pa'i gzi brjid mi mjed zhing na 'bar/ /don kun 'grub pa'i thugs rje'i rtsal chen dang / /mi 'jigs