[A:240]pa'i bdud rtsi'i zhal chab kho na la rag las shing / de'ang thun mong dang thun mong ma yin pa'i yon tan dang phrin las la nges pa gting nas 'drongs pa'i dad pa'i mtshar sdug rdzogs pa zhig med na mi 'byung bas phun tshogs thams cad kyi rtsa ba dkon mchog bzhi pa'i rtogs par brjod pa'o/ /gang zhig 'jig rten gyi khams 'dir dmus long dmigs bu med pa dang 'dra ba rmongs chen gyi mun khrod zad pa med pa'i klong du 'phyan pa'i skabs su sgron me gcig pu dkon mchog dang po thams cad mkhyen pa'i ston pa byon/ des thar lam gyi snang ba 'byed/ de'i rjes su slob pa'i mig thob pa mtha' yas pa mnga' bas dkon mchog gsum du gyur/ de thams cad kyi phrin las mdzad pa po mtshan nyid kun ldan gyi bla ma rdo rje slob dpon lags te/ ji skad du/ bla ma sangs rgyas bla ma chos/ /de bzhin bla ma dge 'dun te/ /kun gyi byed po bla ma yin/ /ces gsungs pa'i phyir/ rdzogs pa'i sangs rgyas rnams chos sku mkha' ltar khyab pa'i dbyings las/ longs sku rigs lnga'i sku dang ye shes mi zad pa rgyan gyi 'khor lo'i bdag nyin can sgyu 'phrul drwa ba bsam yas rgyun mi 'chad par mkha' dang mnyam pa nyid rnam par bkod pa de dag thams cad kyang / rigs lnga gcig tu 'dus pa rigs drug pa rdo rje sems dpa' yin cing / de nyid rdo rje slob dpon chen po'i rnam par snang nas sa steng gi gdul bya rnams kyi don mdzad pa lags te/ rgyud las/ bla ma dang ni rdo rje sems/ /tha dad pa ni mi bya ste/ /de mnyes pas ni kun mkhyen