[A:241]gyi/ /ye shes mchog ni thob par 'gyur/ /ces dang / lnga brgya tha mar gyur pa na/ /nga nyid slob dpon gzugs 'dzin te/ /nga yin snyam du shes byos la/ /de tshe de la gus par gyis/ /zhes gsungs pa'i phyir/ bye brag tu sangs rgyas kyi bstan pa 'dzin pa'i skyes chen dam pa 'phags bod kyi ljongs su ji snyed cig byon pa de thams cad ngo mtshar gcig las gcig che mod/ bstan pa'i snying po rdo rje theg pa'i rgyud sde bzhi dang 'brel ba'i dbang rgyud man ngag gi bka' mi nyams pa yun ring du gnas pa dang / gnas pa gong nas gong du spel ba'i ched du/ khyu mchog rlabs po che'i gnas su dam bcas/ 'khor gyi nang du seng ge'i sgra bsgrags/ bka' gsang rmad du byung ba'i 'khor lo/ sngon chad ljongs 'dir chen po grags pa sus kyang bskor bar ma bzod pa yongs su bskor ba 'di ni/ snyigs ma'i mgon po bstan 'gro'i mig gcig dpal gsang ba'i bdag po mi gzugs su byon pa 'jam dbyangs blo gter dbang po bkra shis grags pa'i rgyal mtshan dpal bzang po kho na'i thugs stobs bla na med pa'i rtsal chen snyigs dus su ngom pa lags shing / stug po bkod pa dang / gzhi dang snying po me tog gi rgyan pa dang / nub dharma gandza sogs su ngo mtshar rdo rje'i bkod pa bsam brjod kyi yul las 'das pa yod tshul gsungs pa de dag rnams dang rnam dbyer med pa grub bo/ /thun mong gdul bya'i snang ngor tsam du'ang / bstan pa ris med kyi bstan 'dzin dam pa mang po'i sku phreng chu shel dbang po/ 'gro blo'i mos pa'i