[A:287]chen zab mo'i 'dzin skyong spel gsum dang / rang gi 'tsho khams brtan pa gnyis ka'i gegs dang bar chad las grol nas bstan don yang bla ma rnams kyis ji skad bka' stsal pa dang / rang gis ji ltar bsam pa bzhin 'grub rgyu yod las che gsungs shing thugs bde 'bol gyis bzhugs/ yang dpon tshang 'di la ni byad gdon ma rung ba zhig gis gnod tshabs gang che dang / khyad par bu 'di la bgegs zhugs nas log pa'i spyod pa mtha' med pas rang gzhan phung la sbyor ba zhig 'ong bar 'dug /de 'gog pa'i thabs shig ma byas thus med gsungs te/ dmigs zab dang drag sngags kyis gzir nas bgegs bskrad pa dang phyir mi ldog pa'i slad du/ gshin rje'i gshed kyi gto chog drug cu ba dang / rwa lo'i lugs kyi drag po'i sbyin sreg dang dbang dang rjes gnang gi byin gyis brlabs pa nan tan mdzad nas/ da ni ha cang gi gnod tshabs chen po de mi 'gyur bar nges so gsungs/ bu kho rang nar son nas srid kyi bya ba byed skabs/ bsam pa phyin ci log dran nas log spyod la ma zhugs gong nas rje bla ma 'di yid la gsal lam me shar te/ de ma thag chu khol nang chu bsil blugs pa ltar 'gro 'dug zer shing / 'di lta bu'i bla ma bka' drin thugs rje can 'jig rten 'di na rnyed par dka'o brjod/ kho rang yang rgyud byin gyis brlabs pas rim gyis srid kyi bya ba thams cad bzhi mdo'i rtswa bzhin dor te spong ba bsam gtan pa'i brtul zhugs la slar mi ldog par gnas par gyur to/ /thog chu khol ma bla gos kyi grwa la