[A:290]tshad byas pa dang khyad ci zhig yod/ kun gsal nor bu'i snang ba 'byung bya'i gzugs 'dzin gyi skal bas ma chun pa bzhin du/ skal dman 'ga' zhig la nyes spyod las ldog pa'i gsung tshig gi sbyor ba zil dang ldan pa gtong bas/ las ngan gyi nad ro 'phar ldang byed pa bzhin gyur te/ ma mkhas so/ /ma grub bo/ /brjod pa'ang 'ga' zhig mchis/ gwa gu byang chub shing gi nags khrod sogs bsam gtan gyi mal du 'dzin med mtha' bral chen po'i klong nas bkyes pa'i rnam dag lha yi dga' ma rdo rje'i mtshar sdug ngom pa dang lhan cig rnal 'byor zab mos rtse bzhin yun ring du bzhugs/ bar skabs zhig 'jam dbyangs bla ma'i spyan sngar phebs te/ rang gi mngon par rtogs pa las brtsams pa'i zhu 'bul mdzad pa na/ kun mkhyen dgyes pa'i bzhad sgra 'chi med rol mo 'bum gyis mi mtshon pa'i dbyangs las rtogs pa'i dbang phyug grub pa'i gtsug rgyan gyi mnga' gsol che brjod kyi snyan 'gyur dam pa/ rgyal kun snyan gcig rdo rje 'chang ba gang gi snyan rgyun du rab 'dzes nor bu'i do shal sbud pa bzhin du 'phyang bas rtogs shing grub pa'i grags ldan phal che ngo tsha'i gnas su 'phang nas spobs pa'i ngo gdong 'og nas 'og tu 'dud dgos par gyur to/ /'on kyang rje 'di ni rang gi yon tan gyi cha thams cad mdzod phug gces nor bzhin sbed cing srung ba la mtha' gcig tu gzhol ba las gzhan la mi grags pa dang mi g.yel ba'i thabs lhur len pa zhig go /mkhas pa mkhas pa'i mdun na mdzes/ /blun pos mkhas pa