[A:291]ji ltar go /grub pas grub pa'i nyams myong shes/ /ma grub pa la ci cha yod/ /kha cig rig lam rno rno can/ /mkhas pa'i phud du bkur shes grags/ /'jam mgon bla ma yab sras ni/ /don la rten rnams mkhas par bsngags/ /sngon byon bstan 'dzin che rnams kyi/ /ring lugs dri med skyong bar mdzad/ /kha cig spros la dga' ba dang / /kha cig spros med ngang tshul can/ /mkhas grub mngon rtags yin ces zer/ /de 'dra don dang ldan pa'ang srid/ /'jam mgon bla ma yab sras ni/ /spros bcas spros med gang ltar yang / /thub bstan gru bzhi lam me ba/ /de la thugs kyi rtse mo gtad/ /'ga' zhig 'di mkhas gzhan gti mug /'di zab gzhan ni mi zab ces/ /bab col mang du smra ba yi/ /nyams mgur sogs kyis blo sna brid/ /'jam mgon bla ma yab sras ni/ /nor ba med pa'i lam thams cad/ /'khrul pa med pa'i 'bras bu can/ /the tshom med pa'i nges pa ster/ /shes med grags pa'i rjes 'brang dang / /shes ldan blo sna mang ba la/ /me tog phog pa'i lha skal des/ /chog ces dgos pa'i dbang gis 'doms/ /blo sna bsgyur ba'i tshogs bshad tsam/ /rnam pa kun tu gtsor mi mdzad/ /gsang chen smin grol rgyun bzang la/ /sku srog las kyang gces pas skyong / /deng sang gangs ri'i khrod 'di na/ /rnam dpyod shin tu gti thug pas/ /klog pas spong ba pa la gshe/ /sgom pas thos bsam byed la 'phya/ /theg rtsa 'dzin pas bstan rtsa 'dor/ /bstan rtse 'dzin pas bstan mchog