[A:292]smad/ /bstan pa ris su mi bcad pa/ /'jam mgon bla ma yab sras lags/ /rgya gar mkhas pa'i legs bshad dang / /de yi man ngag zung 'brel gyi/ /bshad sgrub bstan pa 'dzin pa la/ /brgyud pa'i bla ma'i rjes su zhugs/ /rgyud sde bzhi yi gzhung lam che/ /shing rta chen paus phyes pa la/ /bstan pa'i srog shing nyid du bzung / /tshad mar gyur pa'i bka' babs gzhan/ /ji ltar gzhal med khang bzang la/ /mukti kaHyi phreng mdzes bzhin/ /spud pa'i skal bzang srid na ngom/ /e ma ngo mtshar gzi brgya pa/ /phyogs med klong na ris med kyi/ /padma'i dpal du rtse ba'i tshe/ /phyogs re'i mig can kha cig ni/ /yal 'dab lnga pas yol ba bzhin/ /ca co sgrogs pa rang blo'i skyon/ /'brel tshad don ldan khyed mkhyen no/ /ces brjod pa ni bar skabs kyi tshigs su bcad pa'o/ /yang rje bla ma mkhyen brtse nus pa'i mnga' bdag 'di nyid/ dbyar gyi dus shig na/ me ling rdo rje rdzong dmar ces pa'i yul bdag drag rtsal can gyi mdun phyogs bzhugs sgar babs pa'i tshe/ nam mkha' las glo bur du sprin nag chung ngu zhig byung nas drag char babs te 'brug sgra ngar skad 'byin/ sgar las mda' rgyang gang tsam gyi sar gnam mda' me stag 'phro ba zhig lhung bas rang gzhan gnyis kyi rta drel 'dres 'dug pa'i nang nas lnga bsad song ba ni/ de dang nye ba'i sar rdo rje brag gi dgon pa zhes ming du brjod pa zhig yod pa'i bla brang de'i yin pa la brten nas/ dgon de'i bla grwa rnams kyis thog brdug bla ma zer nas gus 'dud chen