[A:294]la gnas par gyur/ de na yod pa rnams kyis shi ba'i mya ngan byas kyang / rje bla ma ni sbyin sreg gi rjes chog bsdus nas nad pa'i rtsar phebs shing khrus dang ljags chab kyis bran par mdzad/ nad pa'i ming nas smros te khyod rang yar la langs shig ces lan gcig gsung ma thag tu/ gnyid log pa las sad pa bzhin tu yar ldang nus par gyur to/ /de nas bzung ste gdon bgegs stobs chen gyis bdag tu bzung ba yang rjes med du zhi bar gyur pa thams cad kyi dbang po'i mngon sum mo/ /tshul 'di ni bsad pa gso nus pa dang / 'chi ba slong nus pa'i brtul zhugs kyi rtsal chen rdzogs pa las cha tsam zhig gdul bya'i spyod yul du ston pa'i dus skabs shig tu khel ba mngon no/ /de las dus tshod cung snga ba zhig la rngad lcags mkhar mdo zhes pa'i sa phyogs shig tu 'byung po stobs chen gyi gnas gzhi gsar du chags pa rje 'di nyid kyis gzigs te/ drag po'i bsregs blugs kyi las sbyor la brten nas ar la gtad/ slar mi ldog pa'i phyir sa gnad kyi me btsa' btab/ de dag gi skabs su mi min mthong ba'i mig can rnams kyis mkha' khang rming nas 'gyel ba dang gdug 'dre rnams mthar bskrad gtong ba mthong zhes grags/ sngar gdug 'dres rlom pa'i mi des kyang nged rnams bla ma rdo rje bzung ba mi mgo'i do shal byas pa zhig gis yul nas lan grangs phud byung rabs bshad pa'ang de skabs yod pa kun gyis thos so/ /'di lta bu'i rgyal 'gong ma rungs pa 'di ni/ yul gang du rgyu 'grul gnas gsum byas na/