[A:295] 'thab rtsod yams nad 'byung zhing mi chen bla dpon mang po'i srog dbugs sdud nas 'khor du khrid pa sogs phung khrol kun gyi sna 'dren byed pa'i stobs chen zhig yin pa yongs su grags/ brtse ba'i thugs rje yang tshad med pa mnga' ba la phal pa'i blos dpyod pa mi nus mod/ phyogs re nas bsams na/ dus kun tu sems can spyi'i sdug bsngal la thugs kyis mi bzod pa'i ngang tshul gyis sgrib sbyong gi sgo sna tshogs kyi thabs tshul la thugs rtsol chen po rgyun par gnang / bye brag tu shin tu nyam thag pa gang dang gang zhig mthong thos su gyur pa mchis na/ bla ma dkon mchog gi thugs rgyud bskul dang / ngos lkog gang rung nas phan thabs lhur len pa dang / gson gshin gang yin de'i ming nas yang yang smos te skyabs gsol bden tshig brjod pa dang / gzungs sngags zab mos byin gyis brlabs pa rnams mdzad/ lo tog gi don dang / yul khams nad yams 'khrugs rtsod sogs la/ don de kho na la sems pa lta bu'i thugs khur chen po bzhes te/ rang nyid kyis phan thabs gang zab gang bsngags la brtson pa rgyun chags su bskyed pa dang / gzhan mkhyen stobs nus pa mnga' ba dag la'ang rang don ltar bskul ma 'debs par mdzad/ mkhyen pa'i spyan ras rnam par gsal ba ni sgrib thogs dang bral ba la su zhig gis tshad bzung ba nus te/ rje rang gis ni ci yang mi mkhyen pa dang mi gzigs pa'i zol gyis sgrib mod/ nyi zla'i 'od snang chu 'dzin gyi gseb nas cha shas tsam re