[A:297]spyod mang ba la brten nas sa skyong chos rgyal mchog gi bstan srid la 'pho 'gyur blo mi bzod pa zhig 'ong ba 'dra/ rang res phan rim zhi drag sna tshogs sgrub na cung zad phan pa'i skabs srid kyang / bstan chus la ci yang mi sems shing / rang 'dod kho na phug 'chang can gyi dam sri ma rungs pa 'di dag gis kho rang rnams la mthu gtad byed do zer nas 'dug sos mi bde ba dang / phan med gnod pa'i sna 'dren zhig 'ong ngam snyam/ sems can rang rang gi las ngan dus su smin pa la/ sangs rgyas rnams kyi mthu yang rdug pa 'dra gsungs nas thugs skyo ba'i ngang tshul bstan/ nyin re zung la gsol ba 'gag par gyur/ rim gyis 'khrugs pa'i 'go brtsams nas/ mthar chos srid rgya mi'i lag tu shor bar gyur pa na/ sems la nges shes skye ba zhig byung ngo zhes rgyus yod dag gis gleng yang rje bla ma mkhyen brtse'i zhabs kyi sku mdun nas/ rje 'di nyid bgrang bya zhe gnyis pa'i skabs shig la/ khyed nas gzhan 'gran med pa'i dad brtson phul du byung ba de lta bu'i rgyud sde rab 'byams kyi bka' bsdus mthar phyin nas chos sbyin mi zad pa'i phyi mo bskrun zin pa ni/ sangs rgyas bstan pa'i yang snying gsang chen rdo rje theg pa la/ de las lhag pa'i don chen po dang mdzad pa chen po gnang rgyu med pas/ spro dga'i me tog lan brgyar 'thor shing / bsngags pa'i rol mo stong du 'khrol ba'i gnas su gyur/ da dung bsnyen pa gang dang gang dgos pa thams cad 'grub par mdzad nas phyi rabs pa rnams kyis phyag len mi 'chug pa dang /